Filastrocche per bambini (parte 3)

Scritto da 
Vota questo articolo
(0 Voti)

DINGHILIANA

Dinghiliana, dinghiliana
a babbu e a mamma nci d'appu in Talana
e a su sposu nci d'appu in sa festa
d'appu nau chi torri nontesta
o chinou ddi torru su spacciu
bestiu d'appu, de pannu e stravacciu
bestiu d'appu de pannu e colori
d'ognia orrundili faidi onori
d'ognia orrundili fai capella
funtanedda frisca e serachedda bella
funtana frisca e bella seracca
e unu prattu e casu 'e acca
po ddu portai a is amoraus
mellus a mei chi no a tui
mellus a mei chi no a Piricoccu
e corpu 'e balla a Sisineddu Coccu
e corpu 'e balla a issu e a sa pubidda

 

DURU DURU

Duru duru a Piseddu
de andai a Casteddu
de andai e benniri
ell'eitta ad'a battiri?
nu saccu 'e sali
aintru 'e su saccu
unu calleddu Braccu
aintru e su calleddu
unu moro nieddu
aintru 'e su moro
is crappitas de oro
aintru 'e is crappitas
tauleddas scrittas
aintru 'es tauleddas
bintinoe costeddas
aintru der bintinoe
un'ungredda de 'oe
aintru de s'ungredda
una pudda niedda
aintru de sa pudda
unu spithulu in budda
aintru de su spithulu
un'uncone 'e sartithu
aintru de s'uncone
una mela 'e oro
aintru 'e sa mela
una grandu littéra

 

CRISTOLU CORDONI

Cristolu Cordoni tenidi una acca
e candu dda muscidi i ddi cagada sa busciacca.
Cristolu Cordoni tenidi un'erbei
e candu dda muscidi ddi caga su pei.
Cristolu Cordoni tenidi una craba
e candu dda muscidi ddi caga s'araga.
Cristolu Cordoni tenidi unu cani
e nci ddu mandada a su monti a cassai
e mi ddi attidi unu bellu sirboni 
e ballada e cantada Cristolu Cordoni.
Cristolu Cordoni tenidi unu attu
e i mi ddu ponidi a papari a prattu
e i mi ddi ettada unu culurgioni
e ballada e cantada Cristolu Cordoni.
Cristolu Cordoni tenidi una pudda
e candu ddi criada no ddi etta nudda
solu pistoccu zicchirriadori
e ballada e cantada Cristolu Cordoni

 

 

 

 

 

Letto 513 volte Ultima modifica il Mercoledì, 25 Gennaio 2017 16:33