Preghiera in sardo 1

Scritto da 
Vota questo articolo
(0 Voti)

Tres cenarbas de Deus
giai nai podeus
podeus giai nai
ellu ete eus a nai
dexi babbu nostrus
dexi ave marias
cuddas penas chi pattias
pattiasa po nosu
cuddu Deus poderosu
esti andau e beniu
ellu eita ha battìu
ha battìu una carta
de manu de Deus fatta
fatta de manu de Deus
pesa Juanne meu
e faedda sa chia
a sa vergini Maria
tirandudendi is grinisi
is grinisi finu a pranta
e sa gloria Santa
è che sa Gloriosa
prangidi a crischillosa
pranghendu t'accricchillu
ca narada "hoi fillu"
e "hoi" fillus tottus
aube t'anti mortu
agantu nasci Cristusu
fai mangianu friscu
is berbegargius de corti
si spantanta a sa notti
e a sa notti si spantanta
e is arias cantanta
e cantanta a lugori
po beatu Sarbadori
po beatu Serafinu
mamma de bonu camminu
de camminu derettu
su Santissimu Sacramentu
laudau sia prusu e prusu
su nomini de Maria, Giuseppi e Gesusu
laudau sempri siada
su nomini de gesusu, giuseppi e de Maria
laudau sia sempri 
su nomini de Maria, Gesusu e de Giuseppi.

 

 

 

Letto 141 volte Ultima modifica il Mercoledì, 25 Gennaio 2017 17:56